“Təhsil, təlim-tərbiyə hər bir dövlətin strateji əhəmiyyətli fəaliyyət sahəsi olmaqla həmin dövlətin siyasi-iqtisadi, sosial və mədəni inkişafını müəyyən edir, yeni qurulmuş cəmiyyətin mənəvi dəyərlərini formalaşdırır. Ona görə də, hər bir suveren dövlət təhsilin inkişafına xüsusi diqqət yetirir.”
Təhsili millətin, dövlətin həyatında əsas rol oynayan, daimi ölkə prezidentinin diqqət mərkəzində olan bir sahədir. Bu sahə haqqında çox deyilib, çox da danışılıb. Eyni zamanda təhsil sahəsində, bölgələrimizdə rəhbərlik edən məmurların, həmçinin direktorların yol verdikləri qanunsuzluqlar, yeyinti halları barədə az söz də deyilməyib. lakin təsadüfi insanların bu sahəyə əyləşdirilməsi bir çox hallarda ortaya böyük problemlərin cücərməsinə səbəb olur. Cumhuriyyət.Az-a daxil olan məlumatlar Tovuz Dövlət Peşə Təhsil Mərkəzində baş verən ciddi qanunsuzluqlar və direktorun özbaşınalığı barədədi. Əldə etdiyimiz məlumatlarda Təhsil Mərkəzində analoji hallar baş verməkdədir. Məlumata əsasən apardığımız ilkin araşdırmalarda bəlli oldu ki, Nicat Göyüşovun direktor olduğu adı çəkilən təhsil müəssisəsində əyanı vəsait kimi istifadə olunmaq üçün verilən avadanlıqlar təyinatı üzrə istifadə olunmur, əksinə qazanc məqsədi ilə satılır. Və eləcə də tədris otaqlarında isə tələbələri görmək faktiki olaraq mümkin deyil. Həmçinin müəllimləri də. Belə ki, dərsə gəlməyən, adı isə ştat cədvəlində yer alan müəllimlərin məvacibləri isə direktor tərəfində mənimsənildiyi də iddia edilir. Maddi vəsaitlərinin mənimsənilməsi təkcə bu formada həyata keçirilmir.
Yaxın günlərdə adı çəkilən Tovuz Dövlət Peşə Təhsil Mərkəzində əlaqəli araşdırmalarımızın konkret nəticələri ilə geniş tanış olacaqsınız. Və güman edirik ki, Nicat Göyüşov rəhbərlik etdiyi təhsil müəssisəsində baş verən narahatçılıqlar barədə öz fikrini bizimlə paylaşacaq.
