Bu gün etibarilə Yer kürəsi Günəşdən qaynaqlanan güclü maqnit fırtınasının təsiri altına düşüb. 6 bal gücündəki bu nəhəng fırtına bütün dünyanı əhatə edərək ciddi narahatlıqlara səbəb olub.
Mütəxəssislər bildirir ki, təsirləri 24 saat davam edəcək bu kritik proses üçün vətəndaşlar xəbərdar edilib. Fırtına texnoloji sistemlərə, xüsusilə rabitə və naviqasiya şəbəkələrinə mənfi təsir göstərə bilər.
Maqnit fırtınaları yalnız texnologiyaya deyil, insan sağlamlığına da təsir edir. Bəzi şəxslərdə baş ağrısı, yorğunluq, yuxu pozğunluğu və əhval-ruhiyyə dəyişiklikləri müşahidə oluna bilər.
Sağlamlığa mənfi təsirləri azaltmaq və bədən müqavimətini artırmaq məqsədilə mütəxəssislər xüsusi tövsiyə veriblər: “Balıq yeyin”. Balıq tərkibindəki Omeqa-3 yağ turşuları sayəsində orqanizmin stressə və xarici təsirlərə qarşı müqavimətini gücləndirə bilər.
Bu müddət ərzində həssas insanların, xüsusilə ürək-damar xəstəlikləri olanların diqqətli olması vacibdir. Texnoloji cihazların qorunması və sağlamlıq tədbirlərinin görülməsi tövsiyə olunur.
