Afina Ege dənizini öz daxili gölü kimi qəbul etmək niyyəti ilə Birləşmiş Millətlər Təşkilatına (BMT) məktub ünvanlayıb. Bu addım regionda gərginliyi daha da artıracaq potensiala malikdir və beynəlxalq hüquq müstəvisində ciddi müzakirələrə səbəb olur.
Yunanıstanın bu müraciətində “12 mil ərazi suları bizim vazkeçilməz haqqımızdır” və “suverenliyimiz bölünməzdir” iddiaları irəli sürülür. Bu mövqelər uzun müddətdir ki, Türkiyə ilə Yunanıstan arasında Ege dənizindəki hüquqlar və sərhədlər mövzusunda davam edən fikir ayrılıqlarının əsasını təşkil edir.
Afina hökuməti bu iddialarla Türkiyənin Ege dənizindəki tarixi və beynəlxalq hüquqdan irəli gələn haqqlarını rədd etməyə çalışır. Məqsəd, Ege dənizinin böyük bir hissəsini Yunanıstanın tam nəzarəti altına almaq və bölgədəki status-kvonu öz xeyrinə dəyişdirməkdir.
Bu cür birtərəfli addımlar beynəlxalq münasibətlərdə qəbuledilməz hesab edilir və regional sabitliyə ciddi təhdid yaradır. Ege dənizi iki ölkə üçün də həyati əhəmiyyətə malik strateji bir bölgədir və burada atılan hər hansı yanlış addım genişmiqyaslı nəticələrə səbəb ola bilər.
Türkiyə uzun illərdir ki, Ege dənizindəki mövcud problemlərin beynəlxalq hüquqa uyğun və dialoq yolu ilə həll edilməsinin tərəfdarıdır. Afinadan gələn bu son müraciət isə mövcud danışıqlar prosesini çətinləşdirəcək və gərginliyi daha da artıracaq bir addım kimi qiymətləndirilir.
