İsrail ordusunun davamlı olaraq törətdiyi müxtəlif mübahisəli hərəkətlərə daha bir yenisi əlavə olunub. Bu dəfə İsrail əsgərinin Livan ərazisində Hz. İsa heykəlini balyozla parçalaması xristian dünyasında böyük qəzəb və infial yaratmışdır.
Hadisə Livan’da baş verib və İsrail əsgərinin dini simvola qarşı bu cür vandal hərəkəti geniş rezonans doğurub. Heykəlin balyozla dağıdılması anı, dini azadlıqlara və müqəddəs dəyərlərə hörmətsizlik kimi qiymətləndirilərək, beynəlxalq səviyyədə sərt şəkildə pislənmişdir.
Xristian icmaları və müxtəlif dini liderlər bu hərəkəti kəskin şəkildə qınayaraq, İsrail hökumətindən məsuliyyət tələb etmişlər. Sosial mediada və beynəlxalq xəbər agentliklərində yayılan görüntülər, hadisəyə olan təpkinin çığ kimi böyüməsinə səbəb olmuşdur.
Artan beynəlxalq təzyiq və xristian dünyasından gələn güclü etirazlar qarşısında İsrail tərəfi geri addım atmaq məcburiyyətində qalmışdır. Hadisənin araşdırılacağı və məsul şəxslərin cəzalandırılacağı barədə bəyanatlar verilmişdir. Bu insident, bölgədəki gərginliyi daha da artıraraq, dini tolerantlıq mövzusunu yenidən gündəmə gətirmişdir.
Ekspertlər, bu cür hərəkətlərin dini və mədəni irsə qarşı hörmətsizliyin göstəricisi olduğunu və sülh prosesinə ciddi zərbə vurduğunu vurğulayırlar. Beynəlxalq ictimaiyyət İsraili dini obyektlərin toxunulmazlığını təmin etməyə və bu cür insidentlərin təkrarlanmaması üçün lazımi tədbirlər görməyə çağırır.
