Bugünlərdə sabiq gömrük generalı, Bakı Baş Gömrük İdarəsinin keçmiş rəisi Vüsal Novruzovla bağlı redaksiyamıza ilginc məlumat daxil olub. Belə ki, cumhuriyyet.az-a daxil olan məlumatda qeyd olunur ki, hər zaman adı müxtəlif qalmaqallarda hallanan sabiq məmur, bir neçə ay bundan öncə həyata keçirdiyi alqı-satqı ilə sözün həqiqi mənasında “gül vurub”. Belə ki, Türkiyənin bir sıra kurort şəhərlərində geniş biznes şəbəkəsinə malik olan Vüsal Novruzov Antalyadakı otellərindən birini 30 milyon dollara iki fərqli şəxsə satıb. Alıcılardan birinin azərbaycanlı, digərinin isə avropalı olduğu vurğulanır.
Mənbənin cumhuriyyet.az-a verdiyi məlumata görə, alıcılar aldadıldıqlarını məlum alqı-satqıdan bir neçə ay sonra başa düşüblər. Onlar Vüsal Novruzovdan pullarını geri tələb etsələr də, sabiq məmur alıcıların bu tələbini qəti şəkildə rədd edib. Vüsal Novruzov əminliklə bildirib ki, o, heç kimə bir qəpik də olsun vəsait ödəməyəcək və əgər kimsə narazıdırsa, o zaman “əlindən gələni beş qaba çəkə” bilər.
Mövzu ilə bağlı araşdırmamız davam edir.
