Azərbaycan Respublikası Cinayət Məsəlləsinin 192. 3.2 (Xüsulilə külli miqdarda gəlir əldə etməklə törədildikdə) və 206.3.2(Qabaqcadan bir qrup şəxslə əlbir olaraq törədildikdə) maddəsi ilə ittiham olunaraq 2023-cü ildən həbsdə olan Elvin Şirinov işinə obyektiv baxılmaması şikayəti ilə Baş Prokurorluğa şikayət edib. Bu şikayət əsasında Sabunçu rayon prokurorluğunun əməkdaşları Kürdəxanı təcridxanasında E.Şirinovla görüşmüş və ondan izahat almışlar. Elvin Şirinov izahatında işinə ədalətli baxılmayacağı və haqq etdiyi bəraəti almayacağı halda həyatına qəsd edəcəyi ilə bağlı “ölüm ərizəsi” yazaraq Sabunçu rayon prokurorluğunun əməkdaşlarına təqdim edib. Bunun ardınca heç bir tədbir görülməyib. Cumhuriyyet.az-a daxil olan məlumata görə sentyabrın 21-də səhər saat 5-30 radələrində Elvin Şirinov Kürdəxanı təcridxanasında mələfə ilə özünü asararaq növbəti dəfə intihara cəhd edib. Kamera yoldaşlarının təsadüfi müdaxiləsi nəticəsində sağ qalan E.Şirinov intihardan öncə yazdığı məktubda ölümündə təcridxana rəhbərliyinin heç bir günahı olmadığını, aparılan qeyri-obyektiv istintaqa və məhkəmə prosesinə etiraz əlaməti olaraq bu addımı atdığını qeyd edib.
Məlumat üçün bildirək ki, Rusiyada malların idxalı zamanı Azərbaycandan suni şəkildə ixrac olunmuş malların dəyərinə görə 20 % əlavə dəyər vergisi ödəyiblər ki, həmin xərclər Azərbaycan vətəndaşının şəxsi vəsaitindən, dolayı yoldan valyutanın ölkədən kənara axınına və Rusiya Federasiyasının büdcəsinə axıb. Gömrük əməkdaşları qanunsuz olaraq invoys dəyərini qaldırılması ilə Azərbaycan Respublikasının daxilində 5-ci kalona və Azərbaycan sahibkarlarının əli ilə Rusiya Federasiyasının dövlət büdcəsini doldurulmasına xidmət edirlər. İki il öncə bu durumdan şikayətçi olan bir qrup iş adamı məsələni ictimailəşdirmiş və kənd təsərrüfatı mallarının ixracı kimi strateji bir sahədə bu problemin ciddiliyini bildirmişdi. Maraqlıdır ki, Bunun ardınca problemi yaradan şəxslər haqqında tədbir görülmək əvəzinə bu məsələni ictimailəşdirən iş adamları sıxışdırılıb. Belə ki, 2023-cü il dekabrın 25-də məlum müraciətin müəlliflərindən olan Hidayətov Zöhrab Raqub oğlunun Azərbaycan Respublikasının Cinayət Məcəlləsinin 192.3.2 və 206.3.2-ci maddələri ilə, Şirinov Elvin Valeh oğlu və Hümbətov Qaçqın Şura oğlunun Azərbaycan Respublikasının Cinayət Məcəlləsinin 32.5, 192.3.2 və 206.3.2-ci maddələri və təqsirləndirilmələrinə dair cinayət işi başlanıb, bu şəxslər həbs edilib və hazırda hakim Fəhmin Hümbətovun sədrliyi ilə Sumqayıq Ağır Cinayətlər Məhkəməsində baxılır.Bütün hüquqi və məntiqi məqamlar hazırda həbsdə olan Hidayətov Zöhrab Raqub oğlu və Şirinov Elvin Valeh oğlunun sifarişli həbs olunduğunu göstərir. Həbsdən əvvəl isə bu şəxslərin qanunsuz olaraq Azərbaycandan Rusiyaya pul ötürülməsinə qarşı çıxdıqlarını nəzərə alsaq sifarişçilərin kimliyi aydınlaşar. Azərbaycan dövlətinin bütün istiqamətlər üzrə Rusiyaya qarşı münasibəti ortaya qoyduğu bir vaxtda məlum sifarişin ortadan qalxmaması hələ də sual yaradır: 5-ci kalon öz gücünü göstərir?
