ABŞ Federal Təhqiqat Bürosu (FTB) Səid Təvəkkoli adlı İran vətəndaşını SEPAH-ın Qüds qanadı ilə əlaqəli fəaliyyətlər üzrə axtarılan şəxslər siyahısına əlavə edib.
Tribuna.az xəbər verir ki, həmin şəxs çox təhlükəli adamlar kateqoriyasına aid edilir.
Məlumata görə, Təvəkkoli, “general Əmmar” ləqəbi ilə tanınır və Qüds qanadının diviziya komandiri olub. O, iranlı müxaliflərə, jurnalistlərə, İsrail vətəndaşlarına və hazırkı və keçmiş ABŞ rəsmilərinə qarşı gizli kəşfiyyat əməliyyatlarına və ölümcül hücumlara rəhbərlik etməkdə ittiham olunur.
