Cənubi Livanda İsrail əsgəri tərəfindən Həzrəti İsanın heykəlinin təhqir edilməsi görüntüləri dünya ictimaiyyətində böyük rezonans doğurub. Sosial mediada sürətlə yayılan bu görüntülər qlobal səviyyədə kəskin qınaqla qarşılanıb, dini dəyərlərə hörmətsizlik kimi qiymətləndirilib.
Hadisənin ardınca İsrail ordusu rəsmi açıqlama yayaraq, sözügedən əsgərin hərəkətlərinə görə üzr istəyib. Ordu nümayəndələri bildiriblər ki, məsələ ilə bağlı dərhal araşdırma başlanılıb və günahkar əsgər cəzalandırılacaq.
Lakin bu, İsrail ordusunun dini müqəddəslərə qarşı ilk hücumu deyil. Keçmişdə də məscidlərə, kilsələrə və hətta sinaqoqlara qarşı oxşar hərəkətlər qeydə alınıb ki, bu da beynəlxalq hüquq və insan haqları təşkilatları tərəfindən dəfələrlə tənqid olunub.
Dini ibadət yerlərinin və simvollarının toxunulmazlığı beynəlxalq konvensiyalarla qorunur. Bu cür hərəkətlər təkcə müəyyən bir dinə mənsub insanları deyil, bütün bəşəriyyətin mənəvi dəyərlərini hədəf alır və regionda gərginliyi daha da artırır.
