Gündəmi qalmaqallı hadisələrlə zəbt edən “SHAURMA №1” restoranlar şəbəkəsinin ətrafında baş verənlər səngimək bilmir. Bildiyiniz kimi, “SHAURMA №1” restoranlar şəbəkəsinin əqli mülkiyyət hüququ ətrafında çəkişmələr davam etməkdədir. Bu çəkişmələrin fonunda uğursuzluğa düçar olan Natiq Sadıqov bu dəfə pul hesabına Apellyasiya Məhkəməsinin qərarını əldə etməyə nail olub.
Beləki, Natiq Sadıqov hələ 2016-cı ilədə öz şəriki Aqil Babayevdən xəbərsiz şəkildə qanunsuz yolla mənimsədiyi “SHAURMA №1” əmtəə nişanını saxtalaşdırmağa cəhd edib. Standartlaşdırma, Metrologiya və Patent üzrə Dövlət Komitəsi tərəfindən Ceyhun Məhərrəmova 4 mart 2010-cu il tarixli (reyestr nömrəsi 2010 0274) “ŞAURMA №1” əmtəə nişanına hüququnun təsbit edilmiş sertifikatı verilmişdir.Ümumdünya Əqli Mülkiyyət Təşkilatının İsveçrədə yerləşən mənzil-qərargahı 3 mart 2010-cu il tarixli 2010 0274 reyestr nömrəli “ŞAURMA №1” əmtəə nişanı hüququn Ceyhun Məhərrəmova aid olduğunu təsdiq edən cavabı elektron məktub ilə göndərib.
Amma sonradan saxtakarlıqla əmtəə nişanı üzərində olan hüququ Natiq Sadıqovun xalasıoğlu Teymur İmaməliyevin adına qeydiyyatdan keçirib. Sənədi notarial qaydada təsdiq etmədən həqiqi mülkiyyətçi Ceyhun Məhərrəmovun ona hüquqların könüllü keçməsi haqqında imzasını saxtalaşdırıblar. Bundan sonra Standartlaşdırma üzrə Dövlət Komitəsinin məsul şəxslərinin “köməyi ilə” əqli mülkiyyətə sahiblik barədə saxta sənəd alınıb. Daha sonra İmaməliyev özünə yaxın olan Səbuhi Əliyevə əqli mülkiyyət hüquqlarını ötürür. Lakin artıq bu dəfə gözlənildiyi kimi, notarial qaydada təsdiqlənmiş formada, bir müddət sonra isə Səbuhi Əliyev də notarial qaydada həmin hüquqları İmaməliyevin özünə yenidən rəsmiləşdirib. Bunulada Natiq Sadıqovun fikrincə sənəd “yuylması” prosesinə nail olur.
Məhkəmə proseslərinin cərəyyan etdiyi bir dövürdə Teymur İmaməliyev saxtakarlıqla əldə olunmuş sənədlərlə 2023ci ilin yanvar ayında sözü gedən Ümumdünya Əqli Mülkiyyət Təşkilatına artıq yeni bir müraciətlə bu qurumda “Shaurma №1” əmtəə nişanını yeni formatda qeydiyyatdan keçirir. Bunulada nəinki ölkə daxilində həttda beynəlxalq müstəvidə kobud şəkildə qanun pozuntusuna yol verir.
Bütün bu qanunsuzluqlar və saxtakarlıqla bağlı Ceyhun Məhərrəmovəmtəə nişanının qanunsuz olaraq mənimsənilməsi iddiası iləTeymurİmaməliyevi məhkəməyə vermişdir. Bakı Kommersiya Məhkəməsində hakim Nərmin Əhmədovanın sədirliyi ilə keçirilən və 8 aya yaxın davam edən məhkəmə prosesində “SHAURMA №1” restoranlar şəbəkəsinin əqli mülkiyyəthüququnun qanunsuz şəkildə mənimsənilməsi faktı təsdiqini tapıb. Məhkəmə prosesi vəkil Tural Şahbazovun və Mahir Tağıyevin müdafiəçisi olduğu Ceyhun Məhərrəmovun qələbəsi ilə başa çatıb.
Ötən ilin sonlarında çıxarılan məhkəmə qərarı ilə hakim Nərmin Əhmədova, əqli mülkiyyət hüququnun qanunsuz ötürülməsi faktına əsaslanaraq bu ötürülməni etibarsız hesab etməklə ədalətli məhkəmə qətnaməsi çıxarıb. Qərara əsasən Ceyhun Məhərrəmovun “SHAURMA №1” üzərində olan əqli mülkiyyəthüququ bərpa olunub.
Bunun ardınca qarşı tərəf Apellyasiya Məhkəməsinə müraciət edib və nə qədər qəribə olsa da fevral ayının 13-də hakim Ziya Şirinovun sədirlik etdiyi prosesdə üç baxış məhkəməsindən sonra Bakı Kommersiya Məhkəməsinin qətnaməsini ləğv olunaraq yeni qətnamə çıxarılıb.Məhərrəmovun vəkili Mahir Tağiyev Apellyasiya Məhkəməsinin çıxaracağı qərəzli qərardan müvafiq hüquq məhkəmə orqanlarına şikayyət veriləcəyini bildirib. Ceyhun Məhərrəmov isə öz müraciətində qərarın qanunsuz və kənar müdaxilə hesabına çıxarıldığını bildirib və bu qərəzli qərar barəsində müvafiq tədbirlərin görülməsini Məhkəmə Hüquq Şurasının rəhbərliyindən tələb edib.
