O partiyalar qarayaxma ilə məşğuldurlar.
Cumhuriyyet.az xəbər verir ki, bunu deputat Siyavuş Novruzov “Siyasi partiyalar haqqında” Azərbaycan Respublikasının 2022-ci il 16 dekabr tarixli 693-VIQ nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi barədə qanunun layihəsinin müzakirəsi zamanı deyib.
“Azərbaycanda aparılan işlər, işğaldan azad olmuş ərazilərdəki tikinti-quruculuq haqqında qarayaxma ilə məşğuldurlar. Belə fikirlərlə daha çox sosial şəbəkələrdə insanları çaşdırmasınlar deyə, biz öz fikirlərimizi bildirməliyik.
Bir qrup partiya ümumiyyətlə hesabat vermir. AXCP və başqa bir sıra partiyalar MSK-ya heç bir hesabat vermir. Amma qanunda siyasi partiyaların hesabat verməsi qeyd olunub.
Müəyyən partiyaların rəhbərləri 19-20 ildir ki, işləmir. Bəs bunlar hansı vəsaitlə yaşayırlar, ən bahalı maşında gəzirlər. Əgər şəffaflıqdan danışırıqsa, bu məsələlərə ciddi nəzarət olunmalıdır. Qanun layihəsini biraz da sərtləşdirmək lazımdır”, – o bildirib.
