ABŞ Prezidenti Donald Trampın administrasiyası Venesuela lideri Nikolas Maduroya məxsus ikinci təyyarəni həbs etməyi planlaşdırır.
Cumhuriyyet.az xəbər verir ki, bu barədə “Assoşeyted Press” Amerika rəsmilərinə və Dövlət Departamentinin sənədinə istinadən məlumat yayıb.
Agentliyin əldə etdiyi sənədə görə, sözügedən təyyarə “Dassault Falcon 200”dür:
“Təyyarə Venesuela prezidenti və digər yüksək rütbəli rəsmilər tərəfindən xarici ölkələrə, o cümlədən Yunanıstan, Kuba, Rusiya və Türkiyəyə uçmaq üçün istifadə olunur ki, bu da ABŞ sanksiyalarını pozur”.
Qeyd olunur ki, ABŞ Dövlət katibi Marko Rubio Maduronun hazırda təyyarəsinin yerləşdiyi Dominikan Respublikasının paytaxtı Santo Dominqoya səfəri zamanı təyyarənin həbs edildiyini elan etmək niyyətindədir.
