“Bacarıq bacaracam deyə başlayan, bacardım deyə bilənindir”
Mustafa Kamal Atatürk
Hər bir insanın yaşamı böyunca ürəyində sayısız-hesabsız arzuları olur. Bəziləri onları həyata keçirə bilir , bəzilərində isə elə arzu kimi də qalır. Hər birimiz həyatımızda bu ikinci halın baş verməməsinə ciddi cəhdlə səy göstərməli, arzularımızı həyata keçirməyə çalışmalıyıq.
Əvvəlcə Arzunu məqsədə çevirməliyik. Hər səhər, yeni bir gündə məqsədimizə çatmaq üçün yeni və kiçik addımlar atmalıyıq.
Məsələn, işə, bir gündəlik tutub, öz məqsədimizi yazmaqla başlaya bilərik. Bəzən məqsədimizə catmaq yolunda maddi tərəfdən çətinliklərlə üzləşə bilərik , amma bununla belə biz hər zaman pulu deyil, əsas, məqsədi ön plana qoymalıyıq. Kasıb düşüncəli insanlar həyatlarıını necə gəldi yəni, “nə olacaq o da olacaq” pirinsipi ilə yaşayır, zəngin düşüncəli insanlar isə hər yeni günə plan qururlar. Onlar nizam-intizam ilə yaşayırlar.
Bunu bilməliyik ki, Bizi xoşbəxt edən bizim məqsədimizdi. Öz məqsədimizə çatanda biz xoşbəxt oluruq. Buna görə də hər dəfə məqsədə çatanda, yenə qarşımıza bir məqsəd qoymalıyıq. Məqsədimizə catmaq üçün də hər şeyə rəğmən güclü iradəyə malik olmalı, ruhdan düşməməli və məyus olmamalıyıq. Başa düşməliyik ki, hər çətinlikdə bir xeyir var. Əgər biz məqsədimiz üçün addım atırıqsa və bizdə alınmırsa, yenidən və yenidən çalışmalıyıq.
Bizə deyə bilərlər ki, “bəsdi, alınmayacaq” . Bunu bilin ki, Allah insana yaxşı ilə pisin ayırd edə bilsin deyə müdirükliyi, həyata keçirmək isdədiyi arzularının uğrunda mübarizə aparsın deyə gücü, həyata keçirə bilmədiyi arzularının təsvir edilməz dərəcədə dəhşətli ağrısına dözə bilsin deyə də səbri verir.
Əgər gələcəkdə bu 3-ci halla üzləşmək və geriyə dönüb baxanda “kaş ki…” demək istəmirsinizsə, o zaman hər kəsə qulaq asmayın.
Yalnız sizi qabağa aparan və sizə sizdən heç bir təmənna gözləmədən sizə maddi, mənəvi və yaxud pisxoloji dəstək olan insanları dinləyin. Çünki, həyatınızın hər anında yanınızda olanlar elə həmin insanlardır. Bəzən təbii olaraq bu yolda səhvlər də edəcəksiniz. Ancaq heç vaxt öz səhvərinizdən qorxmayın. Çünki, etdiyiniz hər səhvsizin üçün bir dərsdir. Ona görə də nə qədər səhv etsəniz belə yenə də yolunuzdan dönməyin.
Özünüzə inanın və hər zaman ümidli olun. Ən əsası isə görəcəyinniz hər işin əvvəlinndə mütləq şəkildə “Mən bacaracam!” deyin.
Nisə Kərimova
