Bugünlərdə Nəsimi Rayon İcra Hakimiyyəti tərəfindən məşhur iş adamlarından birinə qarşı ağlasığmaz qanunsuzluğa yol verilib. Saytımızın əldə etdiyi məlumata görə, cari ilin iyul ayında Nəsimi rayonu, S.Rüstəmov, M.Qasımov, X.Şuşinski və F.Qasımzadə küçələrinin kəsişməsində, 968-ci məhəllədə yerləşən ərazidə tanınmış şirkətlərdən biri bina tikintisinə start verib. Tikinti üçün bütün qanuni əsasların mövcud olduğu və bütün rəsmi icazələrin əldə edilməsinə baxmayaraq, tikinti prosesi Nəsimi Rayon İcra Hakimiyyəti tərəfindən əsassız olaraq dayandırılıb.
Bu azmış kimi Nəsimi Rayon İcra Hakimiyyəti Azərbaycanın müstəqillik tarixində misli-bərabəri olmayan qanunsuzluğa imza atıb. Belə ki, icra hakimiyyəti iş adamının tikinti meydançasında olan bütün tikinti materiallarını bina özülü üçün qazılan yerə tökərək onların üstünü torpaqlayıb. Nəticədə iş adamına 750 min manat məbləğində ziyan dəyib.
Iş adamına qarşı yol verilən qanunsuzluğun arxasında müavin vəzifəsində çalışsa da, faktiki olaraq Nəsimi Rayon İcra Hakimiyyətinin başçısı vəzifəsini icra edən Ramiz Quliyevin dayandığı ehtimal olunur.
P.S.Mövzu ilə bağlı araşdırmamız davam edir. Npövbəti yazımızda oxucuları haqsızlığa məruz qalan tikinti şirkəti ilə yanaşı, Nəsimi Rayon İcra Hakimiyyətinin proses əsnasında yol verdiyi digər qanunsuzluqlarla datanış edəcəyik.
