Oktyabrın 7-də İsrailin Qəzzaya qarşı başlatdığı soyqırımın ikinci ildönümü günündə Azərbaycanda guya bayraqların yarıya qədər endirilməsi barədə sərsəm iddiaların qardaş Türkiyənin bəzi media orqanlarında və sosial mediada tirajlanmasına rəsmi reaksiya verilib.
Cumhuriyyet.az Türkiyə mətbuatına istinadla xəbər verir ki, məsələ ilə bağlı Türkiyə Cumhurbaşqanlığının Dezinformasiya ilə Mübarizə Mərkəzi xüsusi açıqlama yayıb.
Açıqlamada sərsəm iddialar qətiyyətlə təkzib olunmaqla yanaşı, bu cür yalanların iki qardaş ölkə arasındakı münasibətləri pozmağa hesablandığı xüsusi vurğulanıb: “Azərbaycanı anti-Fələstin tərəfdarı kimi təqdim etməyə çalışan bu cür iddialar ictimaiyyəti çaşdırmaq, Türkiyə-Azərbaycan münasibətlərinə mənfi təsir göstərmək, onu pozmaq cəhdi, həmçinin, qardaş ölkənin nüfuzuna xələl gətirmək, Türk-İslam dünyasının dayanışma gücünü zəidlətmək və Fələstin xalqına qarşı davam edən soyqırımı ört-basdır etmək məqsədi daşıyır.
Qardaş Azərbaycanla bağlı yaylan uydurmanın heç bir əsası yoxdur, tamamailə yalan və dezinnformasiyadır. Xalqımızı belə yalan və uyydurma xəbərlərə inanmağa, onun təsrinə düşməməyə çağırırıq”.
Açıqlamada Türkiyə-Azərbaycan qardaşlığının daimiliyi xatırlanıb və “kimsə bunu uydurma xəbərlərlə poza bilməz…”, – deyilib.
Mərkəz daha sonra hər kəsi rəsmi mənbələrdən yayılan məlumatlara diqqət yetirməyə dəvət edib.
