Bütün dünyanın diqqəti İsrail–HƏMAS atəşkəsinə yönəldiyi bir vaxtda, ABŞ Prezidenti Donald Trampın mövzu ilə bağlı keçirdiyi mətbuat konfransında maraqlı anlar yaşanıb.
Belə ki, Dövlət katibi Marko Rubio Tramp çıxış edərkən yerindən qalxaraq onun yanına gəlib və qulağına nəsə pıçıldayıb. Daha sonra isə prezidentə bir kağız verib və prezident konfransı vaxtından əvvəl bitirib. Həmin anlar kameralar tərəfindən qeydə alınıb.
Qeydi alan Tramp jurnalistlərə belə deyib:“Yaxın Şərqdə razılaşmaya çox yaxınıq. Mənə az sonra ehtiyac olacaq. Buna görə çıxışımı qısa tutmalıyam”.
“Associated Press”in məlumatına görə, Rubio Trampa təqdim etdiyi qeyddə onun sosial mediada paylaşımlara təsdiq verməli olduğunu bildirib. Bu yolla Trampın razılaşma xəbərini ilk olaraq özü elan edə biləcəyi qeyd olunub.
Məsələ ilə bağlı Ağ Evdən hələlik rəsmi açıqlama verilməyib.
“AzPoltika.info”
