Hər kəs xalqdan, dövlətdən oğurladığını xalqa, dövlətə qaytarmağa borcludur
Azərbaycan Beynəlxalq Bankın İdarə Heyətinin keçmiş sədri, hazırda həbsdə olan Cahangir Hacıyevin vaxtiylə külli miqdrada qanunsuz vəsaitlər əldə etdiyi, bu pulların önəmli bir qismini xaricə çxıardığı, əcnəbi ölkələrdə çoxlu sayda daşınmaz əmlak əldə etdiyi hər kəsə məlumdur. Tutduğu vəzifədən, eləcə də sabiq MTN rəhbərliyi ilə yaxın münasibətindən istifadə edərək dövlətə və vətəndaşlara məxsus böyük miqdarda pulalrı mənimsəyən Cahangir Hacıyev, hazırda həbsdə olsa da, o, və yaxın ətrafı bu gün də böyük sərvətə nəzarət etməkdə, bu qanunsuz vəsaitlərdən faydalanmaqdadır.
Təəssüf doğrunda məqamlardan biri də Cahangir Hacıyev və onun yaxınlarına məxsus olan, xarici ölkələrdə yerləşən mülklərin bəzi hallarda bu ölkələr tərəfindən müsadirə edilməsidir. Azərbaycan xalqından, dövlətindən oğurlanan pullar hesabına əldə edilən bu mülklərin xarici dövlətlər tərəfindən msadirə edilməsi həmin vəsaitlərin dövlətimiz adına birdəfəlik itirilməsi deməkdir ki, bu da kifayət qədər böyük itkidir. Nümunə olaraq Cahangir Hacıyevin həyat yoldaşı Zamirə Hacıyeva məxsus olan və Böyük Brtitaniyada yerləşən malikanənin və qolf klubunun 2024-c ilin avqustunda İngiltərə məhkəməsi tərəfindən bu dövlətin xeyrinə müsadirə olunmasını göstərmək olar.
Bundan başqa, İngiltərənin hüquq-mühafizə orqanlarının apardığı araşdırma nəticəsində məlum olub ki, Zamirə Hacıyeva 2006-2016-cı illər ərzində Londonun məhşur mağazası Harrodsda təxminən 35 milyon manat vəsait xərcləyib.
Bu, günə təxminən 7-8 min manat deməkdir. O, çay və qəhvəyə təxminən 50 min, meyvə və tərəvəzə 21 min, Godiva şokoladlarına 69 min manat xərcləyib, Britaniya mediası məhkəmə sənədlərinə istinadən yazıb.
Məhkəmədə o da aşkar olunub ki, Hacıyeva bu 10 il ərzində təxminən 545 min manat oyuncaq mağazasında xərcləyib. Bundan başqa, o bu illər ərzində on minlərlə manatlıq zinət əşyası və geyim-gecim alıb.
Göründüyü kimi, təkcə Böyük Britaniyada Hacıyevlər ailəsinin malik olduğu mülklər və xərclədiyi vəsait göz qamaşdırır. Hansı ki, bu mülk və vəsaitlərin Azərbaycan dövlətinin qanuni mülkiyyətinə və büdcəsinə qaytarılması daha ədalətlidir. Çünki bu pullar Azərbaycan dövlətindən, Azərbaycan xalqından oğurlanıb və onun yenidən xalqımıza, dövlətimizə qaytarılmasından daha məntiqli bir şey yoxdur.
Bu gün Müzəffər Ali Baş Komandan İlham Əliyevin rəhbərliyi altında Qarabağda böyük abadlıq-qurucluq işlərinin həyata keçirildiyini nəzərə alsaq, Cahangir Hacıyevin, eləcə də sabiq MTN generallarına məxsus xaricdəki əmlakların müsadirə edilməsi, həmin vəsaitlərin Qarabağın dirçəldilməsinə yönəldilməsi həm məntiq, həm də ədalət baxımından zəruridir. Ümid edirik ki, Azərbaycanın müvafiq dövlət qurumları bu məsələni diqqətdə saxlayacaq, dövlətimizdən oğurlanan vəsaitlərin dövlətimizə qaytarılmasını, xalqımızın rifahına yönəldilməsini təmin edəcək.
