SOCAR-ın Ticarət Departamentinin keçmiş rəhbəri, hazırda istintaqı davam etdirilən Adnan Əhmədzadə ilə bağlı iddialar bitmək bilmir. Cəmiyyətdə dolaşan belə iddialardan biri də Adnan Əhmədzadənin sadəcə neft satışından deyil, həm də neft və neft məhsulları ilə çirkləndirilən ərazilərin təmizlənməsindən, habelə, həmin ərzilərdə aparılan tikinti işlərindən də külli miqdarda qanunsuz vəsaitlər əldə edib. Belə ki, neftlə çirkləndirilən torpaqların təmizlənməsinin olduqca çətin və bahalı proses olmasından istifadə edən Adnan Əhmədzadə, şəxsi qazanc naminə bu prosesi daha da mürəkkəb hala gətirmiş, nəticədə, qanunsuz olaraq böyük vəsaitlərə yiyələnmişdir.
Iddialara görə Adnan Əhmdəzadə Bakı Olimpia Stadionunun ərazisinin təmizlənməsi, yaşıllaşdırılması və orada idman kompleksinin tikintisindən də milyonlarla manat məbləğində vəsait əldə etmişdir. Xatırladaq ki, bu istiqamətdə ilkin işlər 2008-ci ildə həyata keçirilsə də, daha genişmiqyaslı işlər 2012-ci ildən etibarən gerçəkləşdirilməyə başlayıb. 2015-ci ildə isə stadionun tikintisi tam başa çatdırılıb və istifadəyə verilib. Iddialara görə, Adnan Əhmədzadə Bakı Olimpiya Stadionu və ətraf ərazilərin neft və neft tullantılarından təmizlənməsi prosesinə öz yaxın ətrafını da cəlb edərək onlara “çörək verib”, “gün ağlayıb”.
Ümid edirik ki, əlaqədar qurumlar Adnan Əhmədzadənin bütün digər qanunsuz əməlləri kimi bu qəbildən olan əməllərini də araşdıracaq, məlum iddiaların nə qədər doğru olub-olmadığına hüquqi müstəvidə aydınlıq gətirəcək.
