“Maykrosoft” texnologiya bazarındakı yeni şəraitə uyğunlaşmaq üçün dünya üzrə təxminən 6 min iş yerini ixtisar edəcək.
Cumhuriyyet.az xəbər verir ki, bu barədə “Blumberq” şirkətin nümayəndəsinə istinadla məlumat verib.
“Biz şirkəti hazırkı bazar dinamikasında ən yaxşı mövqedə tutmaq üçün lazımi təşkilati dəyişiklikləri davam etdiririk. İşdən çıxarılan 6000 işçidən 2000-i “Maykrosoft”un Vaşinqtondakı baş ofisinin əməkdaşları olacaq”, – məlumatda qeyd olunub.
Qeyd edək ki, 2023-cü ilin yanvar ayında “Maykrosoft” 10 min işçisini ixtisar etmişdi. Hazırda şirkətdə təxminən 228 min nəfər çalışır.
