– Okan bəy, ilk öncə oxucularımız üçün özünüzlə bağlı qısa məlumat vermənizi istərdik.
– Mən Bağcıtək Okan Nizamettin oğlu 1999-cu il oktyabrın 22-də Azərbaycan Respublikası Naxçıvan Muxtar Respublikasında anadan olmuşam. Orta məktəbi Naxçıvanda oxuduqdan sonra Türkiyə Respublikas Sdinop şəhərində ali məktəbə qəbul olmuşam. Maddi çətinliklər səbəbindən ali təhsilimi tam başa vurmamış yenidən Azərbaycana qayıtmışam. 2022-ci ildən Bakı şəhərində yaşamağa başladım.
– Bəs mətbuata gələn yolunuz necə baş verdi?
– Bir gənc olaraq işləməklə yanaşı həm də cəmiyyətə faydalı olmaq iddiasındaydım. Eyni zamanda ətrafımda baş verən qanunsuzluqlara, haqsızlıqlara biganə qala bilmirdim. Beləcə Bakıda olarkən işləmək üçün “cumhuriyyet.az” internet portalına müraciət etdim, burda əvvəlcə fotomüxbir, daha sonra araşdırmaçı jurnalist kimi çalışmağa başladım.
– Siz müxalif tənqidçi yazar kimi tanındınız. Bununla bağlı yəqin hansısa çətinliklərlə üzləşmisiniz.
– Çətinliklər demək biraz yüngül olar. Yazılarımda tənqidi və siyasi məqamlar yer aldığından hakimiyyət orqanları tərəfindən nəzarətə götürüldüm.Azərbaycanda yaşadığım müddətdə siyasi baxışlarıma və qanunsuzluqlara etiraz etdiyimə görə dəfələrlə ailə üzvlərim və özüm təzyiqlərə məruz qalmışam. Anam Kazımova Rəsmiyyə Həsən qızına məxsuz Bakı şəhəri Suraxanı rayonu Binə sovxozu ərazisindəki evinin hasarı icra hakimiyyəti tərəfindən sökülmüş və mülkiyyət hüququmuz pozulmuşdur. Bununla bağlı müvafiq qurumlara, Ombudsmana və Rayon icra hakimiyyətinə müraciət etmişəm. İcra hakimiyyətində müraciətimə qanuni cavab vermək əvəzinə məni müxalif düşüncəli və jurnalist olduğuma görə təhqir etmişlər.
– Bildiyimizə görə, tək sizə yox, yaxınlarınıza, əzizlərinizə də təzyiq göstərilib.
– Bəli, yaxın qohumum Cəfərli Elmir Elnur oğlu mənə görə təzyiqlərə məruz qalmış, sonunda həbs edilmişdir. Belə ki, mən mənəvi qardaşım bildiyim Elmirlə bir evdə yaşayırdıq. Dəfələrlə Elmir heç bir əsas olmadan polis şöbəsinə çağrılmış orda ondan mənim sərt yazılarıma son qoymağı tələb etmiş, əks halda onu həbs edəcəkləri ilə hədələmişlər. Nəhayət 2024-cü ildə Elmir idarə etdiyi avtobusda əvvəlcədən öyrədilmiş Abdullayev Natiq Dursun oğlu tərəfindən qəsdən mübahisəyə cəlb edilmiş və mənə təzyiq üçün Elmir şərlənərək həbs edild
– Bəs ölkədən getməyiniz necə baş verdi?
– Elmir həbs olunarkən həmin zaman da mənə mövqeyimdən dönməyi, jurnalist fəaliyyətimi dayandırmağı tələb edib, əks halda mənəvi qardaşımın azadlıqdan məhrum olacağını bildiriblər. Mən bu tələblərə də əməl etmədikdə Elmirə saxta ittihamla 2 il 9 ay müddətinə azadlıqdan məhrum edilmə cəzası kəsildi. Bununla da məni yolumdan döndərə bilmədikdə özümü küçədən adam oğurluğu qaydasında polis şöbəsinə gətirərək, burda mənə işgəncə verib jurnalist fəaliyyətimi dayandırmağı və dərc olunan yazıları silməyi tələb ediblər. Bildiriblər ki, bu deyilənləri etməsəm, hansı yolla olursa olsun mənim özümü də həbs edəcəklər. Əvvəlllər də dəfələrlə bu kimi təhdidlərlə üz üzə qalmışam, amma artıq evli idim və yoldaşım hamilə idi. Ailəmin, gələcək övladımın təhlükəsizliyini təmin etmək üçün ölkədən çıxmaq məcburiyyətində qaldım.
– Okan bəy, ölkədən kənarda olmaq necə bir hissdir?
– Təbii olaraq mən də digərləri kimi öz ölkəmdə, azad cəmiyyətdə yaşamaq istərdim. Amma bu artıq mümkün deyildi. Ailəmin və özümün təhlükəsizliyimi təmin etmək üçün ölkədən çıxmağa məcbur qaldım. Amma bu mübarizənin sonu deyil. Mən burda da Azərbaycanda demokratik quruculuq, haqsızlığa qarşı hərakatda iştirak edirəm. Bir müddət öncə mayın 17-də Fransanın Nant şəhərində Tofiq Yaqubluya azadlıq tələbi ilə keçirilən aksiyada iştirak etdim. Bundan sonra da bu fəaliyyətimi davam etdirəcəm.
