Bu gün Rufullayevlər nəsli öz dəyərli ağsaqqalı, uzun illər müəllim kimi çalışmış Xubiyar Rufullayevlə vidalaşır…
Xubiyar müəllim 5 oğul və 1 qız övladı böyüdüb. Övladlarının 3-nü hərbçi kimi yetişdirib. Oğullarından biri bölük komandiri, digəri Xüsusi Təyinatlı Dəstənin hərbi həkimi kimi uzun müddət, o cümlədən Naxçıvanda xidmət edib. Kürəkəni də hərbi həkimdir.
Övladı Xaqan Rufullayev 44 günlük Vətən müharibəsində qəhrəmanlıq göstərib, müxtəlif döyüşlərdə iştirak edib və Azərbaycan Respublikasının Prezidenti tərəfindən bir sıra medallarla təltif olunub.
Bu nəslin Vətən qarşısındakı ən böyük ağrılarından biri isə şəhid Rasim Rufullayevdir. Rasim Vətən müharibəsində şəhidlik zirvəsinə ucalaraq bu nəslin adını qəhrəmanlıq tariximizə yazıb.
Ümumilikdə, Rufullayevlər nəslindən 20 hərbi qulluqçu Vətən müharibəsində iştirak edib.
Bütün bunların arxasında bir ata dayanırdı — Xubiyar müəllim.
O, övladlarını böyütdü, hərbçi yetişdirdi, Vətənə xidmət edən bir nəsil qoyub getdi. İndi isə həmin ata yoxdur…
Bu gün bir nəslin ürəyində böyük bir boşluq yaranıb.
Allah Xubiyar Rufullayevə rəhmət eləsin. Ruhu şad, məkanı cənnət olsun.
Rufullayevlər nəslinin başı sağ olsun.
