Vladimir Putinin dünən “Rusiya çağırır!” forumundakı çıxışını əks etdirən video və foto görüntülər sosial şəbəkələrdə və mediada maraqlı müzakirələrə yol açıb.
Müşahidəçilər qeyd edirlər ki, botoksdan və digər “cavanlaşdırıcı vasitələrdən” istifadə etdiyi çoxdan məlum olan Putin üçün artıq gerçək fiziki durumunu gizlətmək çətinləşib. Onun əlinin dərisi, eləcə də çənə-ağız nahiyəsinin quruluşu və sifətindəki qırışlar kifayət qədər qabarıq şəkildə yaşlılığını büruzə verir.
Bir sözlə, bu fotolarda əlinin və sifətinin dərisi Putinin digər yaşıdlarından nəinki çox cavan, əksinə, hətta bəzilərindən daha çox qoca göründüyünü əks etdirir. Mediaya sızan bəzi məlumatlara görə, Rusiyada Putinin qızının da daxil olduğu və özündə tibb mütəxəssislərini, alimləri və s. birləşdirən məhdud çevrə insan ömrünü mümkün qədər uzadacaq, hətta onun ölümsüzlüyünü təmin edəcək “məxfi layihə” üzərində işləyir. Görünür, məhz bu avantüradan ilhamlanan Putin Si Cinpinlə məlum söhbətində olduğu kimi, son zamanlar insanların 150 il yaşaya biləcəyi barədə iddialarla çıxış edir və bu “ideyaya” olduqca ciddi yanaşır. Yəqin, buna ilk olaraq onun özünün timsalında nail olunacağına da inanır.
Bəli, təkcə Ukrayna müharibəsində milyondan çox gənc insanın ölümünə və şikəst olmasına baiskar olan Rusiya başçısı özü qətiyyən nə qocalmaq, nə də ölmək istəmir. Lakin qeyd edilən görüntülərdən də aydın olur ki, zaman, yaş öz sözünü deyir. Az sonra 74-cü yaşa keçəcək “çar” əvvəlki at üstündə poz verən Putin deyil…
C.Məmmədli
“AzPolitika.info”
